منتدى المعرفة للعرب والمسلمين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الشعر الشعبي

2 مشترك

اذهب الى الأسفل

موضوع متميز الشعر الشعبي

مُساهمة من طرف yassinele7 السبت نوفمبر 08 2008, 00:25

يا حسراه عليك يا الدنيا......


يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية عييت من عذابك براكات
تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات
لقيت روحي في تمثيلية والديكور خوف ودعات
طمعتيني ودرتي علي عندي جدي بالصحبات



...................




شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو مالقى وين يبات
وكلتي فلان عسل وفاكية وفلان شمختي لو الفتات
فلا قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات


.....................



المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات



.......................




نها كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات
انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات






...............





المال فاني والعظام راشية فاتت جناس وتمحات
اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات




..................




دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كما مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث
yassinele7
yassinele7
عضو مبتدئ
عضو مبتدئ

ذكر عدد الرسائل : 33
العمر : 36
المزاج : مرح
المهنة : استاذ
تاريخ التسجيل : 12/09/2008

الرجوع الى أعلى الصفحة اذهب الى الأسفل

موضوع متميز رد: الشعر الشعبي

مُساهمة من طرف نائب المدير السبت نوفمبر 08 2008, 19:15

lol!
نائب المدير
نائب المدير
إدارة المنتدى

ذكر عدد الرسائل : 667
العمر : 36
الاوسمة : الشعر الشعبي 1187177599
تاريخ التسجيل : 15/08/2008

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى